هذی امی
امی یا سورة حمد وی کل صلاة
فرض واجب کون بس نـــقراها؛
امــی کعبه وبیها قدســــــــیّة اله؛
انطوف بیها و نلتــــجئ بحماها؛
امـــی یا اعظم مره ابکل الوجود؛
امی بــــس ربنا العرف معنـــاها؛
امی لو تدعی تفز کل الســـــماء؛
ویســـــتجیب الله الدمع دعــواها؛
امی شیبــــــة راسـها اتهد الجبال؛
رغم هذا ومــــا شــــــکت بلواها؛
امی ما تبچی ابعسر لو مرها عوز؛
ولا تعب هذا الوکـــت بــــچّاهــــا؛
امـــــی مزویة کرامه ابکل مکان؛
وین ما تمشــــــی الکرامه اویاها؛
امـــــــی ماذلت ابد رغم العذاب؛
کســـــرة الضیم ابصبر من یاها؛
امـــــی یا شمعة امل دایم تذوب؛
اشــما طفت نور الصبر ضـــوّاها
امی اطهر من طهر مای الوضوء؛
الله من طیــــــــن الخلد ســـوّاها؛
امی دیوان الکرم بنت الإصــول؛
ایفیــض ما جف بالکرم یمــناها؛
امــی گلب الجام عدها الکل فقیر؛
ینکـــــــــسر کلما اجه و نــاداها؛
امی مدرســـة الوفه ابهذا الزمان؛
درّســتنا الغیره ما ننســــــــــاها؛
امی من تمشی النهر یوگف حیاء؛
والــمجد یمشــــی ابأثر ممشاها؛
****
سید حسن الشریفی
هات من حنظل زمانک مره هات
وهات من آهات لیلک مره هات
هات یا هات المفارگ مره هات
بلکت ابهاتک ترد الماضیات
****
هات من آهـــات صدرک ونه هات
حتی احس لوعة غرامک ونه هات
النـــه للعشّـــــاگ میمر ونه هات
والنه وبوذیه وعتاب امسطرات
****
هات هاتک یاللی هاتک چن نسم
وهات غیرک لویمرنی چنه سم
چن امس باحلامی سارح چن اسم
شخصک ابشعری انکتب یا ترف هات
****
یا نسیم الشوگ احلفک لو تمر
سئله البثغرک شفایف لو تمر
نشده عن شفة اشعاری لو تمر
هم یصح منک دبس یحلی اللهات؟
****
حبک ابگلب الیـــودّک ماله حد
وغیر شخصک گتلک امّن ماله حد
ماکـــفر بالعشـــگ گلـــبه مالحد
بعده مومن بیک یا زین الصفاة
ابوذیه
هلی الما وصّف الواصف وصفهم
کواکب ربک الحطهم وصفهم
هلی یا مدرسة غیره وصفهم
درس عزه و سخه و شیمه و حمیه
****
النوایب لو چست عزمک من الخل
تبین البی دغش مخفی من الخل
الکدایش لا تظن تصبح من الخیل
فرق بین الثره وبین الثریه
****
جسم واعی لچن العگل کلمیت
ولا سمعو ابد لو یوم کلمیت
تعدهم ! لو تعدهم اظن کلمیت
رجل ینعد ربع بالموزمیه
****
یناهی الهجر ناره اصبحت وجره
ابدلیلی وصب مزنها العین وجره
العلی صار اعتقد ماصار وجره
علی الخنسه اللی عاشت بل اذیه
***
یحادی العیس من تحدی بهادای
دوای اویاک واجروحــــــــــی بهادای
یحادی الروح نـــــار الحب بهادای
تشب کلما تـــــباعدهم علیه
****
یاالهی الیسر طوّل مایه لینه
وبیر الصبر وشّل مایه لینه
یاالهی الدهر طبعه ما یلینه
ویعاملنه مثل باجی البریه؟!
****
نسمة غزل
بارع بالغزل واحســـــاسی مرهف حیل
بس الخاطرک عیـــــن الغزل تســـــهر
یــــل شــعرک بحر غرّگ لیالی السود
واســـــــــوطل الشــــــعر یتأمّل المعبر
وصـل حد ضی جبینک والفجر شع نور
وجــــهک چن شمس من اگبــــلت نوّر
مشه ابســــاحة اعیونک لیـــــل یتبع لیل
ما بیــن الجفن و ارموشــــــــک اتعثّر
یل عینک قصائد طشـــــت اعله الروح
ونه الخاطــر اعیونک للبشـــــــر اشعر
یــــل شـفتــــک معادن لامه الیــــاقوت
والـرگبه ســـــــــوالف لو گلت تکثــــر
یل همســـــــک شعر واسوالفک انغام
ویل ریــــحة انفاســــــک تشــبه العنبر
ویــــل کلک ملح بـــس مو ملح مذموم
مملوح الوصف والشـــــــــافک اتحیــّر
ویل صدرک جبل بس طره نهر الشوگ
والشـــــــاف النـــهر من کیفـــــه یتمرمر
یل خصرک صدگ یشبه خصر کارون
اخاف اوصل اجروفک والشعر یسکر
ما اگدر اوصفک وصفــــی یمک داخ
ولا عین الشـــــــــعر یمک بــعد تگدر
الـــک انثــر ازهیری و دارمی وموال
وابوذیة غرامـــــــی وهاتــــی والمیمر
واختـــــــــار الیعجبک بین هل اوزان
بــس کون ابوصالک احضه یل اسمر
*****
ابیات من قصیدة الرجاء
رجاء الی من یستحق الرجاء
نخیتک والهضم تارس ادموع العین
وعلی اطراف البیابی اموچره العبره
نخیتک والذنوب ابلا عدد تنــــــقاس
وانت اعلم ابحال الشـــــــاعر وادره
نخیتک والصبر جف بریاض الروح
ومن بیر الصبر ماظل بـــــعد گطره
نخیتک والگلب ساحة مأسی وضیم
یزرع حزن روحه ویحصد الحسره
نخیتک والجــهل فایض نهر عالناس
وغشیم الرای یشرب من جرف نهره
نخیتک والارض تنزف نخل مذوبح
وشایب منهضم مات ابامل تـــــــمره
نخیتک والکســــــــر ماجبرّه الضمـّاد
الف شهر انتهن شیضمّـــد ابکــــسره
نخیتک والملح یمشی اعله جرح الگاع
وبـــدرب المـــلح ما من بـــعد عثره
نخــیتک والحلم بات ابصدر اجیــــال
یا جیـــــــــــل الیجینه و محّـد ایفسره
نخیتک والسوالف خایفه مـن الجــای
وعلی الســــان الشعر تفتر الف شفره
نخیتک والشــــــمع ذاب ابجفن مظلوم
خلص شمع عینه وشب شمع عمــــره
نخیتک والصدر شاعل لهب بـــــرکان
وبوســــط الگلب شایـــــــل الف جمره
نخیتک والبشر صارت شجر مو ناس
وکــــل های الشـــــجر تتنطر الطبره
....
درب الشوگ بس لجلک خطیته
و خط الشوگ بس لجلک خطیته
ذنب الشوگ بس لجلک خطیته
ونار الشوگ بس لجلک سریه
****
تتل تل الهضم بحشای من تل..
..تهی وتترک ابروحی الحزن منتل
موش انته الگلت ماخون منت ال..
گلت ماعوف لیش اگطعت بیه
****
یناظر بس دمع یسکب منهلاک
نهیل وخلک ابــــغدره منهلاک
اذا ماصح درس یوجد منهلاک
الزمان ایعلمک ادروسه اباذیه
واتــعلّمـــت مـــــــا اون واتعلّــــمت ما احــن
واشــــما یمرنـــی الحزن گلت النوایب گضن
یا ما غدرنی الدهـــر ومن زرعی باگ الثـمر
والذنب مو بالشــــجر ذنب العیـــــونه غفن
عصفور گلب الیـــحب بس کـــله عزّة نفس
ما یــــوم ذل بالـــهوی ولا باس چف المحن
ضیّجت خلگ الصـــــبر گد ما نخیته ابعسر
بس کلشــی راح انتهی واحچـــایتک بالذهن
من گلت روح ابتـــــعد صدّگت مالــک وعـد
واخنــگت حلگ الفرح والبسته ثوب الحزن
لا تحن مره وتجــــــی لن کلشــی مالک بعد
شـــوگی ابجفاک انمحه انسی الیودک حسن
